2024 жылдың 29 наурыз күні Түпқараған ауданы, Мұрын жырау Сеңгірбекұлы…

2024 жылдың 29 наурыз күні Түпқараған ауданы, Мұрын жырау Сеңгірбекұлы атындағы өнер (Ақшұқыр ауылдық филиалы) мектебінде облыстық қосымша білім беру педагогтерінің қауымдастығының іс-шаралар жоспарына сәйкес «Балалардың шығармашылығын дамытудағы қосымша білім беру ұйымдары педагогтерінің заманауи әдіс-тәсілдері» тақырыбында облыстық семинар-практикум өтті.
Қосымша білім беру педагогтерінің кәсіби біліктіліктерін жетілдіру, педагогтердің шеберліктерін шыңдап, арттыру мақсатында өткізілген шараға қауымдастық мүшелері, қосымша білім беру ұйымдарындағы әдіскерлер, сольфеджио, вокал, хореография сыныбының педагогтері, барлығы 60-қа жуық маман қатысты.
Семинарда Мұнайлы аудандық «Өнер» балалар мектебінің теория сыныбының мұғалімі Кәдірова Алтынай Жасұланқызы «Нота сауатын арттыруда қолданатын әдіс-тәсілдер» тақырыбында шеберлік сабағын көрсетті.